Last updated 20th August 2008 A transcript of soundfile 'Guru Dev Satsang Part 2 of 4' (gd02_2of4.mp3) of Swami Brahmanand Saraswati is currently being made. The following is in Itrans which can easily be converted into Devanagri text with the help of the free program Itrans99. Any assistance, comments, or/and translation work welcome to premanandpaul@yahoo.co.uk 1 jaba mana nahiiM pahuMchataa aura vaaNii nahiiM pahuMchatii to aakhira jaba mana - vaaNii hii to hamaare do saadhana hai . paramaatmaa ko jaanane kaa aura vyavahaara jaanane kaa . vyavahaara bhii hama jaaneMge to mana - buddhi se jaaneMge , paramaartha bhii jaaneMge to mana . buddhi se jaaneMge aura veda meM likhaa hai :- " smR^itiyo baacho nivartyante praathamana saabhaH " jahaa.N vaaNii - mana ke sahita hii vaaNii nivR^itta ho ; aba batalaa{}iye niraashaa na ho to kyaa ho ? ghora niraashaa hai . jaba hamaare paasa aura saadhana kyaa hai ? jaba pratyakSha vaayu chakShu se dikhate nahiiM aura mana - buddhi unake nikaTa pahuMchii nahiiM sakatii , to puurii niraashaa hotii hai . para isii para isali{}e . kahaa . " mana saMvaadaM dR^isshTavyaM " kahe , nahiiM niraashaa mata karo - " mana saMvaadaM dR^ishhTavyaM " vaha , mana hii se jaanaa jaataa hai . aba yahaaM tho.Daa saa vichaara hu{}aa hai ki nahiiM , mana saMvaadam dR^iShTavyaM , mana se hii paramaatmaa jaanaa jaataa hai . aba donoM shruti haiM meM . donoM shruti haiM . donoM veda ke vaakya haiM . upaniShad vaakya haiM . - " mana saMvaadaM dR^ishhTavyaM ." " yato vaano nivartyaNte praabhamana saabhaH ." donoM meM visheshha hotaa hai - eka vaakya hai ke mana ke sahita vaaNii nivR^itta hai . eka meM hai ki mana se dekhaa jaataa hai , jaanaa jaataa hai . jaba ye shruti ne kahaa ki - ' mana saMvaadaM dR^ishhTavyaM ' - mana se anu dR^iShtavya hai . 2 mana se hii karake jaanaa jaataa hai . taba kuchha jiivoM ko dhairya hu{}aa . ho - kauna mana hai jisase jaataa hai ? aura kauna mana aisaa hai ki jo nivR^itta hotaa vahaa.N se ? bha{}ii - " mano iti udhaM prabuddha shuddha chaaturdhanevacha " do prakaara ke mana haiM - eka shuddha , ek ashuddha . jo ashuddha mana hai , usa karake to apraapya hai . aura jo shuddha mana hai usa karake anudR^ishhtavya hai . donoM shrutiyoM kaa artha to gayaa - do prakaara ke mana hone ke naate eka mana to saMsaarii hai , usameM to paramaatmaa duura - ati duura hai . eka mana shuddha hai jahaaM shama - kaama saMkalpa nahiiM hai , ko mana shuddha hai . shuddha mana anudR^ishhtavya hai . shuddha mana se hii anubhava hotaa hai . to hamaaraa kartavya kyaa hotaa hai ? ki hama jisase paramaatmaa ko jaaneMge usako banaa{}o . paramaatmaa to banii - banaa{}ii chiija hai . use hama banaa nahiiM sakate haiM . kintu jisase hama jaaneMge vo saadhana hame banaanaa chaahi{}e . aba aahaara shuddhi para jora diyaa , aba jo isako nahiiM samajhate , isake mahaatma ko parantu - " aahaara shuddhau sattva shuddhiH ; sattva shuddhau , dhruva smR^itiH " [By performance of yajnas, all activities become purified, as it is stated in the Vedas: aahara-shuddhau sattva-shuddhih sattva-shuddhau dhruva smRitih smRiti-lambhe sarvagranthinam vipramokShah .] likhaa hai aahaara shuddhi se satva - aMtaHkaraNa kii shuddhi haiM . aMtaHkaraNa kii chaara vR^ittiyaaM haiM - mana , buddhi , chitta ahaMkaara . aMtaH karaNa eka chiija hai usake chaara vR^itti haiM , chaara bheda haiM , chaara paada haiM . vo kauna haiM - mana , buddhi , chitta , ahaMkaara . mana aura buddhi , chitta aura ahaMkaara . ye chaara - eka kaa bhii naama se so - taba bhii aMtaHkaraNa kaa bodha hotaa hai . 3 buddhi kaho taba bhii aMtaHkaraNa aa gayaa , kevala mana kaho taba bhii aMtaHkaraNa aashaya , ahaMkaara kaho taba bhii aMtaHkaraNa aashaya aura yaha saba hai - mana , budi , chitta aura - - - - so isali{}e ye ho chaara vR^ittiya haiM , yahii saMsaara meM aatma ko bharamaayaa karatii haiM . kabhii to mana ke jhaga.De - naanaa prakaara ke - mana ko to bhasmaka roga ho gaya hai . bhasmaka roga ye ho gayaa hai ki khaate jaa{}o chaahe jitanaa khaate jaa{}o bhii peTa na bhare . vaidya loga samajhate hoMge bhasmaka roga . basa bhasmaka roga yah svabhaava hai ki khaate jaa{}o - khaate jaa{}o - mano khaaya Daalo pera na bhare . isii taraha se bhasmaka roga jo hai aate jaa{}o dasa hajaara aane , paaMcha hajaara anne , dasalaakha aane , biisa laakha aane , ka{}ii karo.Da abhya jaaya haatha - haatha machaa{}ii hu{}ii hai bhasmaka roga . ye kabhii santushhTa , nahiiM hotaa hai . yadi kisii ke paasa dasa laakha hai to sochataa hai ki dasa karo.Da ho jaataa to bahuta achchhaa jisake dasa karo.Da haiM , dasa araba ho jaataa to Thiika hai . aba piichhe to nahiiM dekhataa hai ki , dasa araba nahiiM jitanaa bhuumaNDala meM dhana hai aura jitanii bhuumaNDala meM brahmaaMDa ke andara striyaaM haiM , jitane bachche haiM , jitanaa bhoga saamagrii hai saba hamako milajaaya to hama kyaa kareMge . maanaliyaa , hai asaMbhava para kadaachita mila hii jaaya to hamaare kisa kaama kii chiija hogii . jaba hame haatha - haatha karake maranaa hai taba to phira ye bekaara kii chiija hai . jahaaM se sukha - shaaMti mile vahii chiija hai . to 4 kabhii dhana se , strii se , putra kabhii sukha - shaanti kisii ko milii hai , hai ko{}ii udaaharaNa . bhagavaana raamachandra vishhNu ruupa meM hu{}e vishhNu bhagavaana putra ruupa meM aaye , dashaaratha ke yahaaM . hamaare yahaaM to saba aurata putra haiM , arthaata maithilii sR^ishhTi se saMsaara utpanna hu{}aa . unase hama kyaa sukha uThaayeMge , jo saakShaata bhagavaana maayaa ke garbha meM aaye aura jagata kalyaaNa ke li{}e aaye parantu pratyakSha meM to kaushalyaa - dasharatha ke putra kahaaye . para dasharatha kii haalata - kaushalyaa vaidhavya bhogaa kausalyaa vidhavaa ho ga{}ii aura dasharatha mara gaye . bhagaavaana raamachandra apanaa vana - vana gaye . parantu dasharatha ko kyaa sukha hu{}aa . bhagavaana ke putra ruupa meM aane se dasharatha to hameshaa hii pareshaana rahe . vR^iddhaavasthaa meM chintita rahe santaana ke binaa . aura jo santaana kisii prakaara se hu{}ii to tho.De dina meM viyoga hu{}aa usake saatha unakaa praaNa bhii chalaa gayaa . aisaa saMsaara vilakShaNa hai . jaba dashaaratha ko laabha nahiiM hu{}aa to hama bhalaa ina putroM se , ina vR^ittaanta se kyaa laabha uThaa sakate haiM ? jisake li{}e hama pareshaana haiM . dikhalaayaa hai ki tho.Dii sii baateM jo hama kahate haiM khaNDana kara dete haiM . to hama logoM kaa to khaNDana karanaa kaa svabhaava rahaa maNDana to jagata kaa kabhii kiyaa nahiiM . jiivana meM jagata kaa maNDana karane kaa avasare nahiiM aayaa , khaNDane - khaNDana rahaa . to kabhii 5 kabhii aisaa ud.hgaara aa jaataa hai ki jaba hama bahuta ba.Dha jaate haiM to logoM ko kashhTa hone lagataa hai . kevala raaga jo hotaa hai , saaMsaarika padaarthoM meM raaga hamaare li{}e ghaataka hai . padaartha ghaataka nahiiM . hamaare li{}e ko{}ii bhii strii - putra dhana ko{}ii bhii baadhaka nahiiM hai . kevala hamaare vichaara hamako pareshaana karate haiM . basa vichaara hamaaraa Thiika ho jaaya , mana ko kaama saMkalpa rahita kara ho - " ashuddhaM kaama saMkalpam shuddhaaM kaama vivarjitam " . jaisaa kii shaastroM meM kahaa hai - maamaa prakaara kii kaamanaayeM bharii hu{}ii haiM , vaha mana to ashuddha hai , aura kaama saMkalpa se rahita jo mana hai so ashuddha hai - are - shuddha hai . to mana ko kaama saMkalpa rahita karo sa yahii purushhaartha hai , yahii dharma hai . kaama saMkalpa rahita mana ko karo yahii dharma hai . aapakaa kaa dharma kyaa - kartavya hai . kaama saMkalpa se rahita ho to kaise ho ? usake li{}e hamaare yahaaM - aahaara shuddhi hai . aahaara shuddhi kaa hamaare yahaaM itanaa ba.Daa udaaharaNa diyaa hai ki isase bhaarii jvalanta dusaraa udaaharaNa nahiiM ho sakataa mahaabhaarata ke andara - ki bhiishhma aise viira aura bhiishhma pitaamaha isa prakaara ke baalaka - brahmachaarii parantu duryodhana kaa anna khaakara ke aisii buddhi unakii ho ga{}ii ki draupadii kaa chiiraharaNa hone laaga - chupa - chaapa baiThe rahe . duHsaashana draupadii ke chiira kaa haraNa karataa hai , ba.Daa dhora atyaachaara ho rahaa hai , sabhaa ke andara , parantu bhiishhma mauna baiThe haiM . kathaa hai isakaa phala . vo duryodhana - duraatmaa kaa anna khaate se , jisase bhiishhma kii buddhi bhrashhTa thii , tamoguNii buddhi thii . anta meM 6 jaba marane lage , baaNapraGYaa para gaye to lage GYaana kaa upadesha karane . tamaama loga R^ishhi - maharshhi gaye aura GYaana kii charchaa hone lagii . draupadii baiTha karake tho.Daa saa muskaraa{}ii . samajha gaye - apanii kamajorii maaluuma ho jaataa hai . ko{}ii duraachaarii - paapaachaarii hoya , jaraa haMsii de vo to sochegaa ki hamaare uuparii haMsa rahaa hai [ haMsate haiM sabhii ] . ye jo hai , svaabhaavika baata hai . kahiiM kii haMsii aisii hotii hai ki usameM khaTakatii hai . vo haMsii hii meM apanaa apamaana maana letaa hai . eka samaya eka jamiiMdaara kaa kissaa hai , pratyakSha hii vo kahiiM baajaara se nikalaa , to eka baara eka mahaajana ne kahaa - " mahaaraaja paaya lagii " kahaa - " niraMjiiva raho ", duusarii baara phira lauTaa to " paaya laagi " to usane samajhaa ki lagaadaa hai the . [ sabhii punaH haMnsate haiM ] . ekabaara to " paaya laagi " Thiika hai . hama braahmaNa hai . ye vaishya hai aura baajaara se nikalate praNaama kiyaa . jaba phira lauTe , phira bhii nambaara daara " paaya laagi " taba usane sochaa ki jo isake hamaaraa tho.Daa saa jo rupayaa liyaa hai isase usakaa tagaadaa hai . bataa{}o " paaya laagi " meM tagaadaa samajha liyaa usane . jaba ye vyavahaara kii baata hai , to jaba draupadii ko tho.Daa saa haasya aba vimukta hu{}aa taba maaluuma hogayaa bhiishhma kaa ki hamaarii galatiyoM kaa sambandhaM ye batalaa rahii hai haMsana - kahaa ki . . . . bhiishhma jii bolate haiM ki " beTii hama samajha jisa samaya tuuM haMsii , usa samaya jaba ye teraa apamaana ho rahaa thaa , maiM usii sabhaa meM baiThaa thaa . aura jo - jo kaama hotaa thaa . mujhe busha nahiiM 7 lagataa thaa . para aba jo hai kaaraNa hai ki duHshaasana patita duryodhana kaa dhaanya maiM khaalaa thaa isali{}e merii buddhi usa samaya rajaaguNii , tamoguNii thii isali{}e nyaaya - anyaaya kaa GYaana hii nahiiM rahaa . duHshaasana ko{}ii itanaa balavaana nahiiM . bhiishhma ke eka chapeTiyaa kaa thaa . eka thappa.Dha lagaa dete , duHshaasana samaapta ho jaataa . aise - aise mahaarathii baiThe ye phira bhii draupadii kaa apamaana ho rahaa thaa . kintu buddhi hii se to vichaara hotaa hai buddhi anna ke dvaaraa bhrashhTa rahii , taba bhiishhma aise brahmachaarii , kii buddhi jaba bhrashhTa ho ga{}ii duryodhana kaa anna khaakara aura anuchita ko achit maanane lage . taba aapa logoM kii buddhi bhrashhTa ho jaaya to kyaa aashcharya hai . isali{}e aapa logoM kii buddhi yadi tamoguNii ho jaaya aura vipariita GYaana ho jaaya , arthaata vipariita GYaana vo hai ki jo shuddha ko ashuddha maananaa ; uchita ko anuchita maananaa yahii jo hai aGYaana kaa chinha hai . avidyaa kaa chinha kyaa hai ? pratyakSha meM , - jo vastu vihita hai , usako avihita maananaa . jo vastu uttama hai usako nikR^ishhTa maananaa . aaja kyaa ho rahaa hai ? saba kuchha mithyaa , aajakala yahii saMsaara hai . naanaa prakaara ke vaada utpanna ho rahe haiM . ye vaada utpanna honaa buddhi hii kaa kaama to hai ? manushhya to vahii hai . aneka prakaara ke vichaara ho rahe haiM , isii vichaara dhaaraa se saMsaara kaa patana bhii ho rahaa hai , isii vichaara dhaaraa se 8 atthaana bhii ho sakataa hai . isa bhaava se ashuddha mana kaise nivR^itta ho ? kaama saMkalpa nivR^itta ho ? isakaa yahii bhaava hai ki aahaara shuddhi . aahaara shuddhi kii ga.Daba.Dii . aahaara shuddha na hone se mana meM .... saapha hii likhate haiM - " aahaara shuddhau satva shuddhiH " ye chandogya upanishhada kaa vaakya hai . veda kaa vaakya hai . ye aahaara shuddhi se satva shuddhi hotii hai . " sattvaM " aMtaHkaraNa kaa naama haiM . aMtaHkaraNa kii chaara vR^ittiyaaM hotii haiM . una chaaroM vR^ittiyoM para aahaara shuddhi kaa prabhaava pa.Dataa hai . mana , buddhi , chitta aura ahaMkaara . " sattva shuddhau dhruva smR^itiH " yadi sattva shuddha ho jaaya , aMtaHkaraNa shuddha ho jaaya , to smaraNa shakti tiivra hotii hai . smR^iti jo hai - abhii to yaha hai ki kaaleja meM pa.Dhakara aa{}o , skuula meM pa.Dhakara aa{}o , ghara meM vichaara karo , Tiichara bhii daaMtii para cha.Dhaa rahataa hai . taba bhii jo hai jaba parikShaa dene jaate haiM to devatai unaate haiM kisii taraha se chahe hama madhyama shhreNii meM bhii aa jaate , taba bhii achchhaa thaa , pharsta klaasa na aate , apanii buddhi kaa bharosaa nahiiM . isali{}e bharosaa nahiiM ki buddhi kaama nahiiM kara rahii hai . aura - " smR^iti lamdhe sarva granthinaM vipra mokShaH ". aura jaba smR^iti praapta hotii hai to jitanii granthiyaaM 9 hai , samasta granthi - jiiva - brahma ke biicha jitanii granthiyaaM haiM . ve saba nashhTa ho jaatii haiM . isii para aage kahaa hai - " vidyante hR^idaya granthi hR^idrante sarva samshayaaH . dirayante chaarts - karmaaNii prayamina paraavare ." paraavara paramaatmaa ko jaanane ke baada , hR^idaya kii granthi kaa bhedana ho jaataa hai aura sarva saMshaya kaa bhedanaa ho jaataa hai . " vidyante hR^idaya graanthi hR^idrante sarva samshayaaH ." jitane saMshaya haiM , saMshaya jo hai - aneka prakaara kaa - saMshaya kaa to mahakamai alaga hai . saMshaya - pramaaNa gata saMshaya , prameya gata saMshaya . pramaaNa haiM - veda - shaastra . aura prameya hai - paramaatmaa to paramaatmaa - veda - shaastra paramaatmaa ke pratipaadana karane vaale haiM yaa saMsaara ke pratipaadana karane vaale haiM . saMsaara kii charchaa - jiiva - brahma ko abheda ka pratipaadita karatii haiM shrutiyaaM , yaa bheda ko pratipaadita karatii haiM ? isii meM saMshaya ! isa vaaste prabhaaNa gata , prameya gata aneka prakaara ke saMshaya nissaMshaya aadika haiM . to jaba saMshaya hamaaraa nivR^itta nahiiM hotaa hai , to " naayaM loko.asti na paro , na sukhaM saMshayaatmanaH " giita ko dekho - " naayaM loko.asti na paro , na sukhaM saMshayaatmanaH " jo sashayaatmaka loga haiM unako na yahaaM sukha aura na paraloka kii praapti ho sakatii hai . 10 " samshayaatmaa vinashyati ". saMsha aatmaa jo hai , vaha sanaatanii hotaa hai isaliye saMshaya kaise nivR^itta ho , aatma shuddhi pahale , usake baada vaataavaraNa kaa vichaara karanaa chaahi{}e hama paramaatmaa . ko jaanane kii cheshhTaa karate haiM to vishhayii paamara duraachaarii , paapaachaarii yoM kaa samparka kama rakheM . pahale to nahiiM hii rakheM , yadi itanaa aavakaasha nahiiM hai to kama se kama kama to kara deM . dhiire - dhiire kama karate chaleM , kabhii kama ho jaayagaa aura buddhi meM malinataa hai hii , aura saatha hii saatha aapa logoM kaa vaataavaraNa bhii usii taraha kaa hai . to mana shuddha ho to kaise ho aura jabataka mana nahiiM shuddha hotaa hai taba taka paramaatmaa ke nikaTa jaane kaa ko{}ii saadhana nahiiM . mana shuddhii kaa prakaara yahii hai . jisa samaya aapakaa mana shuddha ho jaayagaa , yahii pariikShaa hai , usa samaya aapa kisii se iirshhyaa nahiiM kareMge . aaja jo ko{}ii dhanii - dhanii haiM , eka to dhanii hai dusaraa rotaa hai baiTha ko kaise itanaa ba.Daa aadamii ho gayaa the ? aba batalaa{}iye use apane karma kaa phala hai , tumheM kyaa vipatti dhere hai tum kyoM rote ho ? isa vaaste nirarthaka ko{}ii - ko{}ii aadamii aise jalaa karate haiM , jisakaa ko{}ii matalaba nahiiM apane bhagya kaa phala bhoga rahaa hai , tumako kyaa chintaa hai ? tuma bhii dharma - karma karo , veda shaastra ko maanane pahale to nahiiM hogaa pahale to janma hogaa to tuma isii prakaara 11 ke hoge , jisake li{}e isa samaya iirshhyaa kara rahe ho matsara kara rahe ho . to aise bhii loga haiM ki paapa karai ko{}ii aura chintana kareM tho . ko{}ii dhanii ho , to chintana karanaa iirshhyaa karanaa ki isako kisii taraha se haani pahuMchaa{}o , ye kaise aage ba.Dha rahaa hai ? yadi buddhi ashuddha hai , to isa taraha kii baateM hotii haiM . aura buddhi shuddha ho jaaya to yaha bhaavanaa utpanna ho sakatii hai ki yaha balaaya paramaatmaa inhii ko de hama isase alaga raheM to achchhaa hai . yaha dhana - daulata , maana - paana pratishhThaa ye kuu.Daa - karakaTa inhii ke paasa rahe to ba.Daa achchhaa hai , hama to bache . use haiM . yaha shuddha mana kaa lakShaNa hai . aura ashuddha mana kaa lakShaNa hai , ki iirshhyaa karanaa , dveshha karanaa . kisii kii haani nahiiM pahuMchaanaa . mana , vaaNii aura shariira se kisii kii haani ho . usa kaama ko nahiiM karanaa . yaha shuddha mana kaa lakShaNa hai . kyoMki hamaarii ... haani kareM bhii to hama kuchha nahiiM kara sakate kevala kalaMkai hama leMge yahi usakaa rakShaka usake karma haiM , prabala haiM to hama kuchha karii nahiiM sakate . prahalaada ki haani karane ke li{}e hiraNyakashyapu ne kyaa nahiiM kiyaa ! prahalaada ko pareshaana karane ke li{}e unhone kyaa nahiiM kiyaa ! para saba nishhkaaraNa hotaa chalaa gayaa . isali{}e yadi aapa loga paramaatmaa kaa sahaaraa lete haiM to prahalaada kii rajisTrii nahiiM ho ga{}ii hai bhakti . aapa bhii prahalaada hii haiM . kevala 12 bhaavoM kii kabhii ke kaaraNa aapa galii - galii Thokara khaate ho . yadi aapa ke bhaava shuddha ho jaaya , vahii paramaatmaa prahalaada ke li{}e the , hamaare li{}e haiM . hama kuu.Daa - karakaTa ko bhajate haiM , bhagavaana ko nahiiM bhajate . hamaare bhajane ke li{}e to bahuta loga haiM . na jaane kitane ishhTadeva hamaare haiM . kaamuka loga jo haiM vo apanii strii ko bhajate haiM . ko{}ii jo hai aanapatya hai , santaana hiina haiM to putroM ko bhajataa hai . putroM kii baata jo hai vo isa prakaara kii hai ki jisake santaana nahiiM hai , vo raatri dina pareshaana , kisii bhii taraha se ko{}ii santaana ho . jaba nahiiM hu{}aa taba pareshaanii , aura ho gayaa to usake paalana - poshhaNa meM pareshaanii . naanaa prakaara ke devii - devataa , bhuuta - bhavaanii puujate - puujate mera jaate haiM ki kisii bhii taraha se isakii rakShaa rahe . masjida meM jaayeMge , phuu.Nka DalavaayeMge inakii musalamaanoM kii , ye nahiiM samajhateM ki bhalaa ina maaMsaahaarii kii phuu.Nka se kyaa hogaa ? para dekho to masjida ke saamane hindu{}oM ki striyaaM basa kha.Dii . ye vaasanaa kyaa nahiiM karaa detii hai . eka samaya , hama paMjaaba meM the , to brahmachaarii the usa samaya . to chaaya bahuta piine kii aadata vahaa thii logoM kii . to le aaye kulha.Da meM . chaaya to hamane kabhii piiyaa nahiiM to eka vyaMga hamane kahaa - " chaaya chuuha.Dii , chaaya chamaarii , chaaya niicha na kii niicha tu to shuddha brahma hai jo chaaya na hotii biicha " 13 yahii , kahe karake haMsate hu{}e hamane gaayaa - chaaya chuuha.Dii chuuha.Daa ko paMjaaba meM bhaMgii kahaa jaataa hai . to bhaMgii kii strii chuuha.Dii hu{}ii - to chaaya chuuha.Dii - chaaya - chamaarii , chaaya niicha na kii niicha tuuM to shuddha brahma hai jo chaaha na hotii biicha ". tuu to saakShaata paramaatmaa hii hai tere biicha meM chaaya jo hai yahii eka kharaabii kii chiija hai . chaaya hamane nahiiM kahaa - chaaha hii kahaa isali{}e - isali{}e hamaare biicha jo anyaaya kii chiija hai vo ichchhaa hii hai . vo ichchhai jo hai raatri dina hamako pareshaana karatii hai aura eka ichchhaa jo prabala ho jaaya bhagavaana ke milane kii , to saarii ichchhaayeM samaapta ho jaayaa ko{}ii rahe{}ii nahiiM sakatii . aura anubhava aapa loga karo ki jo jo ichchhaa aapa logoM ne kiyaa , aura saba chiijeM aapako milii bhii , aura usase kitanii tR^ipti aapako hu{}ii ? aapanaa anubhava karo , hamaare kahaanii kii jaruurata nahiiM . jo - jo ichchhaayeM aapakii hu{}iiM , vo - saba aa{}iiM . do aane , chaara aane aa{}ii , anubhava to hu{}aa , para parantu una ichchhaa{}oM kii puurti se aapako kyaa laabha hu{}aa ? aapa noTa karo to pataa chale . yadi eka aanaa bhara laabha hu{}aa , to paMdraha aane duHkha aapako bhoganaa pa.Daa . eka aane to laabha aura paMdraha aanaa duHkha uThaanaa pa.Daa una chiijoM ke li{}e . to isa vaaste - vaasanaa - laukika vaasanaa saadhya jo vastu hai vaha to mithyaa hii hai . kabhii hamaare hita kii chiija nahiiM . jaba la.Dakaa paidaa hu{}aa , paalana - poshhaNa , 14 vivaaha - vivaaha bhii ho gaayaa . pa.Dhaayaa - likhaayaa bhii gayaa aura kahiiM bahu aaya ga{}ii , aura " kahiiM aMgrejii pa.Dhii aaya ga{}ii , aMgrejii pa.Dhii likhii aa{}ii basa " usane yahii kahaa - " dekho baata yahii hai ye eka apane maataa pitaa ko hamane chho.Daa . tumako bhii chho.Danaa pa.Degaa , isaliye hamaarii - tumhaarii tabhii banegii , jaba tuma bhii hamaarii taraha se bano . hamane apane maataa - pitaa ko chho.Daa , tuma bhii chho.Do apane maataa - pitaa ko . basa maataa - pitaa ke li{}e .... ko{}ii praachiina vichaara kii hoM , aisaa nahiiM hai bahuta sii aisii saadhvii hai ki sabakaa bichaara aisaa nahiiM hai . para jo achchhe bichaara kii haiM unake li{}e to kuchha kahanaa hii nahiiM hai . kahanaa kyaa ? vaha to Thiika hii haiM . para jo isa prakaara ke bichaara kii haiM unake li{}e yaha kahaa jaataa hai . to ye kyaa hu{}aa ? dhaarmika shikShaa yadi unakii hotiiM to kabhii bichaara na karatiiM kii tuma bhii apane maataa - pitaa ko chho.Do taba hamaaraa tumhaaraa vyavahaara banegaa . khaira maataa - pitaa to rote haiM ; bahuu ke naama se putroM ke naama se . bahuu hamaaraa ... na jaane hamaare yahaaM aise kitane prashna ke aate haiM , ko{}ii banaavaTii baata nahiiM . kahiiM kaha naa bigaa.Da gayaa , pitaa kaa apamaana ho rahaa hai . to isa prakaara kaa duHkha - rupaye meM hama samajhate haiM - sau meM nabbe isa prakaara ke loga haiM ki jo apane putra se , putra badhuu ke piichhe ro rahe haiM . dasa vo nahiiM hoM to kaha sakate haiM . ko{}ii saamane rote 15 haiM , ko{}ii hR^idaya meM rote haiM . ko{}ii to saamane royaa karate haiM , ko{}ii apane hR^idaya meM rote haiM . isii ronaa chhu.Daane ke li{}e hamaare shaastroM meM likhaa hai ki chaturtha pana meM vana meM chalaa jaanaa chaahi{}e . charurtha pana meM ... taba taka gR^iha meM raho . apanaa bala Thiika hai , hama rupayaa - paisaa kharcha karate haiM , taba taka to gR^ihastha aashrama meM raho , jisa samaya hama meM ### shithilataa ore apanaa rupayaa paisaa nahiiM paidaa kara sakate haiM , turanta saMsaara ko tilaaMjalii de do . putroM aura putra balu{}oM ke piichhe rone ke li{}e na baiThe raho . isii - apanaa ye dharma hai ye . dharma ne kitanii rakShaa kiyaa ki aapa , jaba baalbhaavasthaa thii taba to kuchha karane laayaka nahiiM the . adhyayana aadi karate rahe . yuvaavasthaa meM to aapakaa sarvasva rahaa . yuvaavasthaa meM to aapa loga maalika rahe jo kuchha rahaa so rahaa jaba vR^iddhaavasthaa chalii , jaba noTisa aayaa ki baala aba chalanaa pa.Degaa , baala meM saphedii aa ga{}ii kahiiM eka - do , basa noTisa aayaa . pahale noTisa aate hii loga sacheta ho jaate the . " kaana samiipa bhaye shita keshaaH ....." raamaayaNa vaale jaanate haiM . kaala ke nikaTa kaa baala sapheda hu{}aa , basa noTisa - basa pahilaa noTisa aayaa ki aba chho.Do ghara jaldii karo tumako aba chalanaa hai , pahale hii loga ghara - du{}aara chho.Da kara , la.DakoM ko sauMpa kara kara ke bana ko chale jaate the . " baasma dvitiiya muni vR^ittiinaam " jaba gaarhasthya kaa lakShaNa hu{}aa to nikala gaye 16 vaanaprasthaashraama meM yaa vaanaprasthaashraama meM nahiiM kahiiM ekaanta meM chale ga{}e , mahaatmaa{}oM kaa satsaMga kara rahe haiM . aura apanaa shuddha maarga banaa rahe haiM , paramaatmaa ke nikaTa pahuMchane kaa upaaya kara rahe haiM . aura idhara putra - bahuu aadi kii ko{}ii glaani bhii nahiiM . hama to unake apamaana ke li{}e rahiiM nahiiM gaye . jaba rahe to shaana se rahe aura jahaaM shaana bigaDane kaa samaya aayaa tahaaM tilaaMjalii de diyaa , tuma jaano tumhaaraa kaama jaane . pahale se la.DakoM ke li{}e mare , raata - dina dhana paidaa kiyaa , aura saba utpatti kiyaa , uchita kaa anuchita kaa vichaara nahiiM kiyaa ki hamaare la.DakoM - bachchoM ke paasa tho.Dii sampatti ho jaaya . jaba la.DakoM bachchoM ko sampatti milii to la.Dake - bachche apamaana karane lage . taba unhiiM ke laabha se ro{}o baiTha kara ke maalaa phero . isali{}e uttama pakSha hai ki la.DakoM ko sauMpa kara ke apanii avasthaa meM , svayaM kinaare ho jaa{}o . bhagavaana kaa chintana karo . la.Dake bachche aapake pushhya se svayaM praphullita raheMge . aura dhakkaa khaane ke li{}e gR^ihasthii meM rahanaa Thiika nahiiM hai . isiili{}e - " yaavadvittopaarjana saktaH staavannija parivaaro raktaH . pashchaajjiivati jarjara dehe vaartaaM ko.api na pR^ichchhati gehe .. " ye bhaashhyakaara shaMkaraachaarya jii ne kahaa hai ki - " yaavadvittopaarjana saktaH " - jaba taka hama 17 dhana paidaa karane ke yogya haiM ; " staavannija parivaaro raktaH " - taba taka bahu meM kahatii hoMgii " vaavaa aate hoMge jaldii parosaa taiyaara karo " - isa dR^ishhTi se - " yaavadvittopaarjana saktaH staavannija parivaaro raktaH " jaba taka dhana paidaa karane meM samartha rahataa hai yaha manushhya taba taka parivaara ke ba.De hii prema karate haiM . vittopaarjana ke ba.De hii prema karate haiM . vittopaarjana kaba taka karataa hai ? jaba taka yuvaavasthaa rahatii hai , jaba taka kuchha kara sakataa hai . aura jaba vR^iddhaavasthaa aa{}ii taba vittopaarjana karane kii shakti nahiiM raha jaatii . to likhate haiM - " vaartaaM ko.api na pR^ichchhati gehe ------ pashchaajjiivati jarjara dehe vaartaaM ko.api na pR^ichchhati gehe " jaba vR^iddhaavasthaa aa{}ii , taba ko{}ii ghara meM baata nahiiM pachhataa . bole , kahe chupa raho , baiTho - kyaa bemata kii baata karate ho . tumase kyaa pa.Dii hai ? to isa vaaste - isii vaaste , bhagavaana bhaashhyakaara likhate haiM - ki = " yaavadvittopaarjana saktaH staavannija parivaaro raktaH . pashchaajjiivati jarjara dehe vaartaaM ko.api na pR^ichchhati gehe . bhajagovindaM bhajagovindaM govindaM bhajamuuDhamate ". to , jaba hameM jo piichhe honaa hai to hama pahale hii kyoM na intajaama karaleM ki jisako hamako yaha duHkha dekhane hii naubata na aave . 18 to yaha to hu{}aa naalaayaka putra kii baata . aba kahiiM laayaka ho gaayaa putra . aba naalaayakai putra kii baata hai - ye jo maataa - pitaa kaa apamaana karanaa yaha ko{}ii suyogya putra kii kaama nahiiM hai . aura na ye uchita hai . parantu jaisii aajakala kali kii riiti - bhaa.Nti hai usii ke anusaara kuchha prashna hamaare saamane aise aate haiM . isali{}e hamane kahaa ki aapa loga gR^ihastha ashrama meM hau . inase satarka rahau , ina vipattiyoM se , kabhii bhii apamaana sahane kaa avasara na do . jisase aapake vichaaroM meM thahii rahe ki putra kaa kalyaaNa ho . jisa bhaavanaa se aapane putra ko paalaa - poshhaa , aapakii bhaavanaa na biga.De , isali{}e aapa loga satarka ho jaa{}o , aapakii bhaavanaa na biga.De . anta meM achchhii bhaavanaa banii rahe . yadi laayaka putra hu{}aa . kahiiM praataH kaala uTha kara aapake charaNa ke praNaama kiyaa . maataa - ke charaNa ko praNaama kiyaa , taba to aura bhii ghaataka hu{}aa . kyoM kii aajakala ke putravadhuu praataHkaala apane saasa ke charaNoM meM praNaama karatii hai , putra apane pitaa ke charaNoM meM praNaama karataa hai taba raaga ba.Dhataa hai . yaha bhaavanaa banatii hai ki ba.Daa suyogya putra hai ba.Daa laayaka putra hai . aba jo hai jo raaga iishvara meM laganaa thaa so putra ne hara liyaa praNaama karate hii maataa - pitaa gadagada ho jaate haiM , ki ye to kyaa kaheM ba.Daa hii suyogya bahuu - aura ba.Dii hii suyogya hamaarii puchavashuu aura putra to bahutara yogya hai aba jo hai raatri dina usii kii maalaa 19 phero . raatri - dina basa usii meM phaMso . kahiiM aMta taka - aMta meM kahiiM putra hii kaa smaraNa ho gayaa to phira pautra hokara ghara meM aa{}oge . kahiiM jo hai , marate samaya , kahiiM putra kaa samaraNa hu{}aa to phira usii ghara meM aa{}oge . to putra to ho nahiiM sakate ho , pautra hokara aa{}oge . to aisaa kaama ko{}ii nahiiM - kyoMki kahanaa isali{}e ho rahaa hai " yaiyaM yaati smaaraNa bhavanti stayante kalevaraM . santa mariita kaunteya sadaa sadbhaava bhaagitaH ." giitaa giitaa kaa paaTha sabaloga karate ho . giitaa meM likhaa hai ki jina - jina vastu{}oM kaa chintana karate hu{}o shariira ko chho.Dataa hai . usii - usii vastu ko duusare janma meM praapta totaa hai . to jaba aapa putra kaa chintana karate hu{}o kahiiM shariira cho.Doge . to phira putra ke usii kula meM ; choha usakaa putra ho yaa aura kisii kaa ho , avashyabheva aanaa pa.Degaa . to isali{}e hama aisaa prema na kareM ki jisase hamaarii haani ho . putra jo hai , usako maano Thiika hai . parantu itanaa raaga kii jaruurata nahiiM hai . itanaa raaga bajaalo , yahii to hai - " ashuddhaM kaama saMkalpam " aisii - aisii kaamanaayeM shaanta meM aapa ne aate ho , isii se mana ashuddha rahataa hai . jana mana ko phursata mile , saMsaarii jaMjaaloM se taba paramaatmaa kii tarapha chale . jaba saMsaarii vishhayoM se mana ko avakaasha aapa dete nahiiM ho basa kapaaTa banda karo . jaise jo chora ghara meM ghusa gaye haiM , vo to ghuseM para baahara vaale 20 na aane paaveM isii vaaste kapaaTa lagaa{}o . arthaata inhiyaaM jo haiM - jo vaasanaa - jo vishhaya - vaasanaa hR^idaya meM aaga{}ii hai , vo to chora ghara meM ghusa gayaa aura baahara kii vishhaya - vaasanaa jo abhii taka nahiiM hai vo dusare chora haiM . to pahilaa kartavya kyaa hotaa hai ki kapaata lagaa do . basa kapaaTa lagaa do baahara ke chora na aane paaveM aura bhiitara ko giraphtaara karane kii koshisha vaalaa karo . pahilaa kartavya hai samajha lo ki bhiitara chora ghusa gaya to kyaa karanaa chaahi{}e ? kapaata pahale lagaanaa chaahi{}e . jo vaasanaa - jo baahara kii vaasanaa yeM abhii na hiiM aa{}ii haiM vo to aane na paayeM , arthaata jo chora nahiiM ghuse haiM vo ghusane na paayeM aura jo ghusaa hai usako paka.Da kara giraptaara karo . arthaata jo vaasanaa bhiitara hai , usako to bhagavaana kii praaptii ke li{}e sadaachaarii banakara ke usa vaasanaa ko hataa{}o . aura usa vaasanaa ko sabako nashhTa karo . aura baahara kii vaasanaa aane na paave . kyoM ki vaasanaa hii mukhya anartha - kaarii hai . jaisii - jaisii vaasanaa aapakii ba.Dhebii saaMsaarika , vaisii hii - ulajhana badegii , aura utanaa usii - usii prakaara se aap saMsaara se duura --- bahuta maataayeM vR^iddhaa ho ga{}ii , marane ko chalii phira bhii vo kahatii haiM ki hama pautra kaa vivaaha dekha lete to achchhaa thaa . - batalaa{}iye , putra kaavivaaha to dekhii chukiiM , pauvro ko dekha letii , aura pauva ke santaana bhii dekha letii to aura kisa - kisa ke ho jaate . kitanii ba.Dii dirvaasanaa . maaluuma pa.Dataa hai 21 ki inhe phira lauTa ke isii ghara meM aanaa hai . kitanii ba.Dii jhula hai . ye nahiiM sochate , ki putra kaa vivaaha ho jaaya pautra kaa ho jaaya , la.Dakaa bhii kubera ho jaaya pautra kaa ho jaaya , la.Dakaa bhii kubera ho jaaya , para hame to muMha baa*ke dasa dina meM jaanaa hai hai . banegaa to eka kaphana dai degaa nahiiM to ko{}ii basa nahiiM . jaba taka saMsaara meM vairaagya nahiiM hotaa hai , jaba taka saMsaara kaa tyaaga nahiiM hotaa hai kevala achchhii - achchhii baatoM se kuchha nahiiM ho sakataa . isa vaarate vairaagya kaa matalaba yahii hotaa hai ki chiija ko tyaago mata . chiija meM raaga mata rakhe . ---------- Return to webpage http://www.paulmason.info/gurudev/recordings.htm