##
updated 23rd November 2007
Excerpt of article in 'Kalyana' - a magazine of the Gita Press\, originally published in 1946.
(Typed into Itrans on 21st September 2005 & posted at:- 
http://www.paulmason.info/
http://www.paulmason.info/gurudev/sources/text/godhana.txt
for the interest of others. Please alert me to any spelling errors unintentionally included).
Contact at:- premanandpaul@yahoo.co.uk
##


godhana 

bhagavatpuujyapaada anantashriivibuushhita jagadguru shriishaN^karaachaarya jyotishhpiiThaadhiishvara shrii brahmaananda sarasvatii jii mahaaraaja ka upadesha )    

dhamashaastra meM godhana kaa visheshha maahaatmya batalaayaa gayaa hai . likhaa hai \-  
sarveshhaameva bhuutaanaaM gaavaH sharaNamuttamam .   

hinduu \- saMskR^iti isa bhaavanaa se paripuurNa hai ki \-  
yad.hgR^ihe duHkhitaa gaavaH sa yaati narake naraH .    

kintu jaba se paashchaattyoM kii sabhyataa \- saMskR^iti kaa hamaarii sabhyataa \- saMskR^iti ke saatha sammishraNa hu{}aa hai \, taba se bhaaratiiya shikShaa \- vidhaana ke lopa hone se adhikaaMshataH shaastra \- puraaNaadi kii anabhiGYataa ke kaaraNa go \- braahmaNa aadi ke prati shaastriiya dhaarmika buddhi kaa lopa \- saa ho gayaa hai .    

govaMsha aaja vyaavahaarika upayogitaa kii hR^ishhTi se bhautika tulaa para taulaa jaa rahaa hai ; kintu smaraNa rahe ki aaja kaa bhautika viGYaana govaMsha kii usa suukShmaatisuukShma dharamotkR^ishhTa upayogitaa kaa pataa hii nahiiM lagaa sakataa \, jise bhaaratiiya shaastrakaaroM ne apanii divyadri^shhTi se pratyakSha kara liyaa thaa . govaMsha kii dhaarmika mahaanataa usameM jina suukShmaatisuukShma kaaraNa \- ruupa tattvoM kii prakharataa ke kaaraNa hai \, unakii khoja aura jaanakaarii ke liye aadhunika vaiGYaanikoM ke bhautika yantra sadaiva sthuula hii raheMge . yahii kaaraNa hai ki biisaviiM sadii kaa prau.Dha viGYaanavetta bhii gomaataa ke loma \- loma meM devataa{}oM ke nivaasa kaa rahasya aura praataH godarshana \, gopuujana \, godevaa aadi kaa vaastavika tathya samajhane meM asaphala rahataa hai . godhana kaa dhaarmika mahattva bhaava \- jagata se sambandha rakhataa hai aura vaha yaa to R^itambharaa praGYaadvaaraa anubhavagamya hai athavaa shaastrapramaaNadvaaraa jaanaa jaa sakataa hai \, bhautika yantroMdvaaraa nahiiM . 

dhamashaastra to godhana kii mahaanataa aura pavitrataa kaa varNana karataa hii hai \, kintu bhaaratiiya arthashaastra meM gopaalana kaa visheshha mahattva hai . kauTiliiya arthashaastra meM go \- paalana aura go \- rakShaNa kaa vistR^ita vivaraNa milataa hai . jisa bhuumi meM khetii na hotii ho \, use gochara banaane kaa aadesha arthashaastra kaa hii hai . isa prakaara godhana ##'## artha ##'## aura ##'## dharma ##'## donoM kaa prabala poshha ka hai . artha se hii kaama ( kaamanaa{}oM ) kii siddhi hotii hai aura dharma se hii mokSha kii . ata{}eva godhana se artha \, dharma \, kaama \, mokSha \- chaaroM kii praapti hotii hai . isiiliye bhaaratiiya jiivana meM godhana kaa itanaa uu.Nchaa maahaatmya hai . jo hiMduu dharmashaastra para vishvaasa rakhate haiM \, unheM chaahiye ki chaturvarga \- phala \- siddhayartha shaastravidhaana ke anusaara go sevaa karate hu{}e godhana kii vR^iddhi kareM aura jo dharmashaastra para aasthaa nahiiM rakhate \, unheM chaahiye ki ##'## artha ##'## aura ##'## kaama ##'## kii siddhi ke liye arthashaastra ke niyamoM ke anusaara gopaalana karate hu{}e govaMsha kii vR^iddhi karane kaa prayatna kareM . 

pralyakShavaadiyoM ke liye isase adhika gomaataa kii dayaalutaa ho hii kyaa sakatii hai ki vaha suukhe tR^iNa bhakShaNa karake janma bhara unheM dugdha \- ghR^ita \- jaise paushhTika dravya pradaana kare . itane para bhii yadi ve gomaataa ke kR^itaGYa hu{}e \, taba to una meM maanavataa kaa lesha bhii nahiiM maanaa jaa sakataa . gomaataa ke dvaaraa maanavasamaaja ko jo laabha hai \, use puurNataya vyakta karane ke liye sahasroM pR^ishhThoM kii ka{}ii pustakeM likhanii hoMgii . saMkShepa meM yahii kahaa jaa sakataa hai ki gomaataa se maanavasamaaja ko jo laabha hai \, usase maanavajaati gomaataa kii sadaa R^iNii rahegii . 

vadha aadi hiMsaka upaayoMdvaaraa govaMsha kaa hraasa karanaa dhaarmika aura aarthika donoM hR^ishhTiyoM se raajaa \- prajaa donoM ke liye haanikara hai . ata{}eva aisii bhayMkara prathaa{}oM ko sarvathaa rokane kaa prayatna sabhii ko karanaa chaahiye . ka{}ii deshii rajavaa.DoM ne isa sambandha meM prashaMsaniiya kaarya kiyaa hai ; kintu jabataka kendriiya sarakaara ko isake liye baadhya nahiiM kiyaa jaayagaa \, tabataka santoshha \- janaka pariNaama asambhava \- saa pratiita hotaa hai . isake liye deshavyaapii yatheshhTa prayatna honaa chaahiye . 

saatha \- hii \- saatha pratyeka gR^iha meM gopaalana kii praachiina prathaa ko ba.Dhaane kaa prayatna bhii sabhii sadgR^ihasthoM ko karanaa chaahiye . taalukedaaroM \, jamiiMdaaroM \, seTha \- saahuukaaroM aadi ko chaahiye ki goshaalaa{}oM kii vR^iddhi kareM \, jahaaN se aadarsha hR^ishhTa \- pushhTa gau{}oM aura bailoM kii praapti ho sake . gochara bhuumi ke sambandha meM aaja kala kii vyavasthaa atyanta shochaniiya hai . isa sambandha meM manujii ne likhaa hai \- ##'## pratyeka gaaNva aura shahara ke chaaroM ora kaaphii gochara bhuumi chho.Danii chaahiye .##'## sabhii samartha kisaanoM \, jamiiMdaaroM aura seTha \- saahuukaaroM ko apane \- apane kendroM meM gochara bhuumiyoM kaa yathochitra prabandha karanaa chaahiye . aura godhana kii vR^iddhi kaa sadaiva dhyaana rakhanaa chaahiye . isii meM bhaarata aura bhaaratiiya sabhyataa kaa gaurava tathaa sachchaa svaartha nihita hai .