namaH shivaabhyaa.n navayauvanaabhyaam.h .

parasparaashlishhTa vapurdharaabhyaam.h .

naagendrakanyaavR^ishhaketanaabhyaam.h .

namo namaH shaN^karapaarvatiibhyaam.h .. 1

namaH shivaabhyaa.n sarasotsavaabhyaam.h .

namaskR^itaabhiishhTavarapradaabhyaam.h .

naaraayaNenaarchitapaadukaabhyaaM .

namo namaH shaN^karapaarvatiibhyaam.h .. 2

namaH shivaabhyaa.n vR^ishhavaahanaabhyaam.h .

viriJNchivishhNvindrasupuujitaabhyaam.h .

vibhuutipaaTiiravilepanaabhyaam.h .

namo namaH shaN^karapaarvatiibhyaam.h .. 3

namaH shivaabhyaa.n jagadiishvaraabhyaam.h .

jagatpatibhyaa.n jayavigrahaabhyaam.h .

jambhaarimukhyairabhivanditaabhyaam.h .

namo namaH shaN^karapaarvatiibhyaam.h .. 4

namaH shivaabhyaaM paramaushhadhaabhyaam.h .

paJNchaaksharii paJNjararaJNjitaabhyaam.h .

prapaJNchasR^ishhTisthiti sa.nhR^itaabhyaam.h .

namo namaH shaN^karapaarvatiibhyaam.h .. 5

namaH shivaabhyaamatisundaraabhyaam.h .

atyantamaasaktahR^idambujaabhyaam.h .

asheshhalokaikahitaN^karaabhyaam.h .

namo namaH shaN^karapaarvatiibhyaam.h .. 6

namaH shivaabhyaa.n kalinaashanaabhyaam.h .

kaN^kaalakalyaaNavapurdharaabhyaam.h .

kailaasashailasthitadevataabhyaam.h .

namo namaH shaN^karapaarvatiibhyaam.h .. 7

namaH shivaabhyaamashubhaapahaabhyaam.h .

asheshhalokaikavisheshhitaabhyaam.h .

akuNThitaabhyaam.h smR^itisaMbhR^itaabhyaam.h .

namo namaH sha^Nkarapaarvatiibhyaam.h .. 8

namaH shivaabhyaa.n rathavaahanaabhyaam.h .

raviinduvaishvaanaralochanaabhyaam.h .

raakaashashaaN^kaabhamukhaambujaabhyaam.h .

namo namaH shaN^karapaarvatiibhyaam.h .. 9

namaH shivaabhyaa.n jaTilandharabhyaam.h .

jaraamR^itibhyaa.n cha vivarjitaabhyaam.h .

janaardanaabjodbhavapuujitaabhyaam.h .

namo namaH shaN^karapaarvatiibhyaam.h .. 10

namaH shivaabhyaa.n vishhamekshaNaabhyaam.h .

bilvachchhadaamallikadaamabhR^idbhyaam.h .

shobhaavatii shaantavatiishvaraabhyaam.h .

namo namaH shaN^karapaarvatiibhyaam.h .. 11

namaH shivaabhyaaM pashupaalakaabhyaam.h .

jagatrayiirakshaNa baddhahR^idbhyaam.h .

samasta devaasurapuujitaabhyaam.h .

namo namaH shaN^karapaarvatiibhyaam.h .. 12

stotra.n trisandhya.n shivapaarvatiibhyaam.h .

bhaktyaa paTheddvaadashaka.n naro yaH .

sa sarvasaubhaagya phalaani bhuN^kte .

shataayuraante shivalokameti .. 13

iti umaamaheshvarastotra.n sampuurNam.h